วันพฤหัสบดีที่ 18 เมษายน พ.ศ. 2567

ရိယႃႇၿူၵ်ႉၵူလ်ႇ ဢမ်ႇႁဵတ်းဢမ်ႇယုမ်ႇယမ်ၼႂ်းလွင်ႈတရိၵ်ႉသၢၼ်ႇဝိၸႃႇ

 

ဢရိယႃႇၿူၵ်ႉၵူလ်ႇ ဢမ်ႇႁဵတ်းဢမ်ႇယုမ်ႇယမ်ၼႂ်းလွင်ႈတရိၵ်ႉသၢၼ်ႇဝိၸႃႇ

 

မၼ်ႈၵႅၼ်ႇၼႂ်း ၽြႃး တြႃး သင်ၶႃႇ ဢဝ်ၽြႃး တြႃး သင်ႇၶႃႇ ပဵၼ်သရၼ တီႈပိုင်ႈဢၼ်လဵဝ် ၊ ဢမ်ႇဢဝ် တၢင်ႇ ၸိူဝ်းတၢင်ႇပိူင်ပဵၼ်သရၼတီႈပိုင်ႈ ။

 

တိုဝ်းၵမ်သိလ်ႁႃႈ မၼ်ႈၵႅၼ်ႇဢမ်ႇၶႃႈႁႅမ်သၢႆၸႂ်ပိူၼ်ႈ ၊ ဢမ်ႇလၵ်ႉၸၵ်ႉၶုတ်ႈ ဢဝ်ၶူဝ်းၶွင်ပိူၼ်ႈ ၊ ဢမ်ႇယႃႉလူႉၼႃႈ   ႁိူၼ်း ဢမ်ႇႁဵတ်းၽိတ်းလွင်ႇၵႃႇမေႇ ။

 

ဢမ်ႇပႅတ်ႉလႅၼ် ၊ ဢမ်ႇၵိၼ်လဝ်ႈယႃႈ ။ ႁူႉၸႅင်ႈၼႂ်း ဢရိယသႅတ်ႉၸႃႇ

ႁူႉၸႅင်ႈၼႂ်းတုၵ်ႉၶသႅတ်ႉၸႃႇ ၊ သမုတယသႅတ်ႉၸႃႇ ၊ ၼိရေႃးထသႅတ်ႉၸႃႇ ၊ မၵ်းၵသႅတ်ႉၸႃႇ ။

 

ဢမ်ႇယုမ်ႇၼႂ်းလွင်ႈမိၵ်ႉသႃတိၵ်ႉထိ မိူၼ်ၼင်ႇ မေႃလူ ၊ မေႃတႂၵ်ႈ ၊ မေႃတူၺ်း ပေႇတၢင်ႇၵႃႇလႃး ၊ မေႃၽီ မေႃတူၺ်းၼၶၢတ်ႈလိူၼ်လၢဝ် ၊ မေႃတူၺ်း ၼၶၢတ်ႈၵူၼ်း သတ်းမေႃၶၢႆႉလိူၼ်ၶၢႆႉလၢဝ် ၶၢႆႉၵျူဝ်ႇ ၸတႃႇ ၊ မေႃတႆႈ တဵၼ်း တႆႈဢၢင်း မေးၵျူဝ်ႇမေးၵိင်း ။

 

မေႃတူၺ်းယၢမ်း တူၺ်းဝၼ်း လီ ဢမ်ႇလီ ၊ မေႃတႆႈတဵၼ်းႁေႉၽေး ႁေႉၽိူဝ်ႉၽီ မေႃတႆႈတဵၼ်းၽုၺ်ႇၸုၵ်ႈၽုၺ်ႇလၢပ်ႈ ၊ မေႃတူၺ်းတူဝ်ၼပ်ႉ လီဢမ်ႇလီ ၊ မေႃတူၺ်းမၢႆၽူၼ်းလီ ဢမ်ႇလီ လွင်ႈမေႃၸိူဝ်း လၢတ်ႈၼေ မႃးတၢင်းသဵင်ႈၼႆႉ ၽြႃးပဵၼ်ၸဝ်ႈလၢတ်ႈဝႃႈ ပဵၼ်မိၵ်ႉ သႃတိၵ်ႉထိ ၼႆယဝ်ႉ ။

 

သင်ဝႃႈၽူႈလႂ်မီးလွင်ႈယုမ်ႇယမ်လွင်ႈၸိူဝ်းၼႆႉယူႇၼႆ တေဢမ်ႇၸၢင်ႈပဵၼ် ဢရိယ ပူၵ်ႇလႆႈ ၊ ဢမ်ႇပဵၼ်သေႃးတႃႇပၢၼ်ႇလႆႈ ၊ ၵွပ်ႈမီးလွင်ႈယုမ်ႇ ၽိတ်းဝႆႉ ၼႆယဝ်ႉ ။

 

 

0 comments:

แสดงความคิดเห็น